بە پێی ڕاپۆرتێک کە بە کۆمەڵەی مافی مرۆڤی کوردستان گەیشتوە ،ڕۆژی هەینی ۲٤ی خەرمانانی ۱۳۹٦ی هەتاوی کۆمەڵێک لە کاسبکارانی کورد لە سەرجادەی مهاباد ــ نەغەدە هێزەکانی ئینتزامی لە ڕاوەدونانێکدا هەڵدەکوتنە سەرکاسبکاران و لە ئەنجامدا ماشێنی یەک لەکاسکاران وەردەگێڕدرێت و ئاژوێنەری (رانندە) ماشێنەکە گیانی لە دەست دەدات .
حوسەین مێهدی زادە کوڕی فەتاح مەلامەهدی خەڵکێ شارستانی مهاباد ناو و ناسنامەی ئەو کاسبکارە کوژراوەیە کە لە ئاکامی ڕاوەدوونانی هێزەکانی ئینتزامییەوە لە نزیک گوندی ئاڵبڵاغ سەربە شارستانی مهاباد توشی ئەو ڕووداوە بوو .
بەوتەی شایەدحاڵان ئەوە تەنیاهۆکاری گیان لە دەست دانی مێهدی بوە .
لە درێژەی ڕاپۆرتەکەدا هاتوە کە هێزەکانی ئینتزامی لە دوای ئەو ڕووداوەوە کەلوپەلی ئەو کاسبکارەش وەک دەسکەوت تاڵان و موسادرە دەکەن .
پێویستە بە بیری بێنینەوە بە پێی ئامارەبڵاوکراوەکانی kmmkجگە لە دەستبەسەرکردنە لە ئەژمارنەهاتوەکانی کاسبکاران و تاڵان و موسادرەکردنی ماڵ و کەلوپەلی کۆڵبەران ، لەساڵی ۹٥ ی هەتاوییدا ۱۰۷ کۆڵبەر و کاسبکار لە لایەن هێزەسەربازییەکانی کۆماری ئیسلامییەوەلە ڕۆژهەڵاتی کوردستاندا کوژراو و بریندار بوون و ۱۰ کۆڵبەریش بە ڕووداوی سروشتی وەک لافاو و ڕنوە بەفر و ڕووداوی ترەوە گیانیان لە دەست داوە . هەروەها لە خاکەلێوەی ۱۳۹٦ بەم لاوە ٦۲ کۆڵبەر کوژراو و بریندار بوون .
کۆمەڵەی مافی مرۆڤی کوردستان
هێزەکانی ئینتزامی کاسبکارێکی مهابادی دەکوژن
