بە پێی هەواڵی گەیشتوو بە کۆمەڵەی مافی مرۆڤی کوردستان ؛ ئەمڕۆ ۱۳ خەرمانانی ۱۳۹٦هەتاوی بنەماڵەی دوو کۆڵبەر بەتەقەی ڕاستەوخۆی هیزەکانی ئینتزامی لە ڕۆژهەڵاتی کوردستان گیانیان باخت کردوە .
“حەیدەر فەرەجی” و “مام قادر” کە لە ڕۆژانی ڕابردوودا بە هۆی تەقەی ڕاستەوخۆی هیزی ئینتزامییەوە لە سنووری شاری بانەی ڕۆژهەڵاتی کوردستان لە گەڵ باشووری کوردستان گیانیان لە دەست دابوو و بە بەشداری کردنی خەڵکی شاری بانە و کۆڵبەران ، خۆپیشاندانی ناڕەزاییان لە بەرابەری قایمقامی ئەو شارەدا پیشاندا و داخوازی ئەو بوون سەرەڕای دۆخی نالەباری ئابووری ڕۆژهەڵاتی کوردستان و نابەرپرس بوونی کۆماری ئیسلامی ئێران لە مەڕ ئەو دۆخە لە ڕۆژهەڵاتی کوردستان بۆ چی دەبێت گیانی کۆڵبەران لە مەترسیدا بێت و پاراستنی ژیانی ئەو چینەی کۆمەڵگا لە ئەستۆ دەسەڵاتە کە بە هۆی بێکاری و هەژاریەوە گەلی کورد و بە تایبەت گەنجان ناچار دەبن بۆ دابین کردنی بژێوی ژیانی ڕۆژانە بنەماڵەکانیان ڕوو لەو کارە پڕ لە مەترسیە بکەن .
ئەمە لە کاتێکدایە ساڵانە بە هۆی تەقەی ڕاستەوخۆی هێزە جۆراوجۆرەکانی کۆماری ئیسلامی ئێران لە ڕۆژهەڵاتی کوردستان دەیان گەنجی کورد دەکوژرێن و یان بە هۆی هەڵهاتن لە هێزەکانی کۆماری ئیسلامی بە شێوەگەلی جۆراوجۆر (داکەوتن لە شاخ و بەرزاییەکان ، خنکان لە چۆم و ئاودا ، …) گیان باخت دەکەن .
کۆمەڵەی مافی مرۆڤی کوردستان
