لەسەردەشت ژنێک لەلایەن براکەیەوە کوژرا

بەپێی هەواڵی گەیشتوو بەکۆمەڵەی مافی مرۆڤی کوردستان ڕۆژی شەممە۳۰ی گوڵانی ۱۳۹۶ لەشاری سەردەشتی ڕۆژهەڵاتی کوردستان ژنێک بەناوی شنۆ” موعین” لەلایەن براکەیەوە بەناوی شوانە موعین  بەبیانوی پاراستنی نامووس بە گوللەی دەمانچە کوژرا. ناوبراو هاوژینی پیاوێک بووە وهەروەها خاوەنی منداڵێکیشە.

جێگەی باسە کە کێشە کۆمەڵایەتییەکان لەڕۆژهەڵاتی کوردستان،بەردەوام کارەساتی لێدەکەوێتەوە وخەسار وقورسایی دەخاتە سەرشانی ژنان لەلایەن کۆمەڵگای چەقبەستوو بەئایین وپیاوسالارییەوە،وای کردووە کە مرۆڤ تەنانەت نەتوانێ خاوەنی جەستەی خۆی بێت وهێژموونی وترس وسامی پیاو سالاری کەلەلایەن دەسەڵاتەوە پشتیوانی دەکرێت جومگەی سەرەکی کۆمەڵگا واتە ژن ،لەژێر پەنجەکانی خۆیدا وردوخاش بکات وبەوچەشنە کۆمەڵگای تەسلیم ولێک هەڵوەشاوە وبێ هەڵوێست ،پێک بێنێ، لەوەها کۆمەڵگایەکدا وبەبوونی دەسەڵاتێکی وەکوو کۆماری ئیسلامی بەهیچ چەشنێک بەدواداچون بۆژنان ناکرێ وپاش بەدواداچوونینیش هیچ دەسکەوتێکی لێ دەستەبەرنابێ ،هەربۆیە ژنان تەسلیمییەتیان هەڵبژاردووە ،چونکوو تەنانەت بنەماڵەیەیش دژیان دەوەستێتەوە.

 

کۆمەڵەی مافی مرۆڤی کوردستان