بە پێی ڕاپۆرتێک کە بە کۆمەڵەی مافی مرۆڤی کوردستان گەیشتوە ، بە هۆی لافاوەی ئەم دواییانەی ڕۆژهەڵاتی کوردستان ، هێشتا ۹ گوند لە دەروبەری شاری شنۆ لێشاو و ئاوماڵک و لیتە دەوری گرتوە و ٤٤ ماڵ بۆ ژیان کردن ناشێن و هەربینا لە ئاودا تڵیسانەوە .
لەو بوارەدا بەشی کشت وکاڵی شارستانەکە بڕی خەساری ئەو لێشاوەی بە ۳۷ ملیارد تمەن مەزەندەکردوە و تا چەندین ساڵیش زەوییەکان بۆ کشت و کاڵ نابن .
بە گوتەی بەرپرسانی ئەوشارە ، پردی پوشاوا کە ڕێگەی پەیوەندی نێوان گوندی ناڵۆس و شاری پیرانشارە بەستراوە و خەڵکی لە پردێکی دوورە پەرێز و گوند سەرگێزەوە هاتووچۆ دەکەن .
لە خەسارە بەرچاوەکانی ئەو سێڵاوە ئەستێر و شوێنکی بەرهەمهێنانی ماسی کە ۷٥۰ هەزار ماسی لە خۆ گرتبوو خەساری بەرچاوی لێکەوتوە. لە لایەێیکی ترەوە لاوکێکی ۱۲ ساڵان ئاو بردویەتی و هێشتا تەرمەکەی نەدۆزراوەتەوە .
ئەو ڕاستییەی کە لێشاو و جۆری بەرەنگاربوونەوەی کە کەمترین خەساری هەبێت بابەتێکە کە بەرپرسانی حکومەت بیریان لێنەکردۆتەوە و کاتێک کە لافاو هەڵدەستێت و کارەسات دەقەومێ ئەوجار وەبیریان دەکەوێتەوە ، زۆربەی ئەو ڕووداوانە ئاکامی بەڕێوەبەرایەتی سست و متود وپڕۆگرامی هەڵەو نابەرپرسیارانەی کارناسانە کە بە ناو تەرحی ملییەوە دەرخواردی خەڵکی دەدەن و زۆرترین تێکدانی سروشت ژینگە ئاکامی ئەو هەڵە نەبڕان نەهاوانەی بەرپرسانە و حکومەت لە هەمو کارە بەناو ئاوەدان کردنەوەکانیدا بە چاوێکی ئەمنییەتی بۆ کوردستان دەڕوانێ.
کۆمەڵەی مافی مرۆڤی کوردستان
