ڕنووی بەفر کۆمەڵێک کۆڵبەری کردە قوربانی

ڕنووی بەفر کۆمەڵێک کۆڵبەری کردە قوربانی

بەپێی ڕاپۆرتی کۆمەڵەی مافی مرۆڤی کوردستان لە ڕۆژی شەمە ۹ی ڕێبەندانی ۱۳۹٥ی هەتاوی لە ناوچەی بێورانی سەردەشت ، کۆمەڵێک کۆڵبەری کورد دەکەونەبەر خێزەرەی ڕنوە بەفر .
بەپێی ڕاپۆرتەکە کۆمەڵێک لە کۆڵبەران لە کاتی ئاودیوبوونی ببۆ هەرێمەکانی سەر بە باشووری کوردستان، بەهۆی بارینی بەفرێکی قورسەوە و گرتنی ڕێگە هەموارەکان لە لایەن هێزە چەکدارەکانی کۆماری ئیسلامی ئیرانەوە ، ۱٦ کەس لەو کۆڵبەرانە دەکەونە ژێر خێزەرەی ڕنوەبەفر کە چوار کەسیان گیانیان لە دەست دەدەن و ۱۲ کەسی تریش هەناردەی نەخۆشخانە دەکرێن .
هەڵمەتی ڕزگار کردن و بەهاناچوونی ئەو کۆڵبەرانە کە تا نیوەشەوی خایاند و بە هەوڵ و هیمەتی خەڵکانی شارەزای ناوچەکە بەڕێوە چوو بەڵام لە ئەنجامدا چوار کەس بە ناوەکانی :
۱ـــ شێرزاد عەبدوڵاهی ۲۷ ساڵان ، خەڵکی سەردەشت
۲ــ عەلی موحەممەد نژاد ۱٨ ساڵان ـ سەردەشت
۳ــ هیوا ئیبراهیمی نیا ۲۲ ساڵان ــ بانە
٤ــ موحەمەد حەمزەیی ۲۱ ساڵان ـ مهاباد
هەر لەو ڕووداوە دا ۱۲ کەسیش بریندار بوون بەم ناوانەی خوارەوە کە چەند کەسێکیان بارودۆخییان ناجێگیرە .
۱ــ جەعفەر ئەحمەدیان، سەردەشت
۲ ــ غەریب عەلیزادە ، سەردەشت
۳ ـ ئاریا شێخەپور ،۱۷ ساڵان سەردەشت
٤ـ ڕزگار عەلیزادە ، بیواران سردشت ۲۳ ساڵان
٥ ـ قاسم مەحمود خدر ۳۱ ساڵان ، سەردەشت
٦ـ هێدی زاهری ۲٤ ساڵان ، سەدەشت
هێشتا ناوی ئەو شەش کەسەی تر پشتڕاست نەکراوەتەوە .
شایانی باسە بەپێی ڕاپۆرتی کۆمەڵەی مافی مرۆڤی کوردستان ، لە سەرەتای ساڵی ۹٥ هەتاوییەوە تاکو ئێستا ۱٦ کۆڵبەر و کاسبکار بە هۆی ڕێگرتن و ڕاوەدونانی هێزە کانی سپای پاسداران و هێزی ئنتزامییەوە یان لە چۆم و ڕووبارەکان کەوتوون یان لە هەڵدێرەوە بەربوونەتەوە و گیانیان لە دەست داوە و زیاتر لە ٥٥ کەسیش بریندار و ئیفلیج بوون و نمونەی دواییش کارەساتی ئەم ڕنوەبەفرەی دوایی بوو کە قوربانیێیکی زۆری گرتوە .

کۆمەڵەی مافی مرۆڤی کوردستان