لە دۆخی هەستیار و چارەنوسسازی ئێستادا، کە گۆڕانکارییە سیاسییەکان چوونەتە قۆناغێکی نوێ و دیاریکەر، بەرپرسیاریی مێژوویی هێزە سیاسی و مەدەنییەکانی #ڕۆژهەڵاتی_کوردستان زیاتر لە هەر کاتێک قورس و گرنگە.
کۆمەڵەی مافەکانی مرۆڤی کوردستان دووبارە جەخت لەسەر مافی خەڵک بۆ ئاسایش، کەرامەتی مرۆڤایەتی و دیار كردنی چارەنووس دەکاتەوە، و داوا لە هەموو #حیزبەکان و #لایەنەسیاسییەکانیکوردستان و ناوەندەكانی مەدەنی دەکات کە بە هۆشیاری، هاوکاری و هەستی بەرپرسیاریی نەتەوەیی، ئامادەکارییە پێویستەکان بۆ بەڕێوەبردنی مەدەنی، پاراستنی ڕێکخستنی گشتی و ڕێگری لە هەر جۆرە ئاڵۆزی و سەپاندنی دەسەڵاتێکی ستەمکارانەی تر بخەنە سەرەوەی ئەولەویەتەکانیان.
لە ئەم قۆناغە هەستیارەدا، ئەم هەنگاوەکانە گرنگ و پێویستن:
1.دروستکردنی میکانیزمی هاوپەیمانیی هاوبەش لەنێوان حیزبەکان و دامەزراوە مەدەنییەکان بۆ ڕێگری لە دووبەرەکی و دڵنیابوون لە یەکگرتوویی کردار لە پێناو بەرگری لە بەرژەوەندیی گەلی کورد و کۆمەڵگای ئێران.
2.پێکهێنانی لیژنە مەدەنی و جەماوەری بۆ پاراستنی ژیان و سامانی هاوڵاتیان و ڕێگری لە توندوتیژی، تۆڵەسەندنەوە و پێکدادانی ناوخۆیی.
3.پاراستنی ناوەندە خزمەتگوزارییە گشتییەکان، نەخۆشخانەکان، ژێرخانە گرنگەکان و سامانی گشتی وەک سەرمایەی هاوبەشی خەڵک.
4.دڵنیابوون لە پاراستنی مافەکانی هەموو کۆمەڵ و ئایین و ئاراستە فکرییەکانی نیشتەجێی کوردستان و ڕێگری لە هەر جۆرە جیاکاری یان هەڵسوکەوتی تۆڵەسەندنەوە.
5.پابەندبوون بە بنەماکانی مافەکانی مرۆڤ، حاکمیەتی یاسا و ڕوونی لە بڕیارگرتندا لە هەر شێوازێکی پێکهاتەی کاتی یان ڕێکخستنەکانی گواستنەوەی دەسەڵاتدا.
6.بەردەوامبوون لە پەیوەندی لەگەڵ کۆمەڵگای نێودەوڵەتی و دامەزراوەکانی مافەکانی مرۆڤ بۆ چاودێریی دۆخەکە و ڕێگری لە پێشێلکردنی مافەکانی هاوڵاتیان.
ئێمە باوەڕمان وایە داهاتووی کوردستان دەبێت لەسەر بنەمای یاسا، بەشداریکردنی گەل، گفتوگۆ و ڕێزلێنان لە کەرامەتی مرۆڤایەتی بنیات بنرێت. هەر هەنگاوێکی خێرا، توندوتیژ یان دەرەوەی چوارچێوەی مافەکانی مرۆڤ و بنەما دیموکراتییەکان، دەتوانێت زیانی گەورە و قەرەبوونەکراو بخاتە سەر گەلەكەمان.
ئەمڕۆ زیاتر لە هەر کاتێک، هۆشیاریی هاوبەش، یەکگرتوویی نەتەوەیی و پابەندبوون بە بنەما مرۆڤایەتییەکان، گەرەنتیی تێپەڕبوونی سەرکەوتوو لەم قۆناغە مێژووییە هەستیارەیە.
کۆمەڵەی مافەکانی مرۆڤی کوردستان
