ک.م.م.ک:
بەپێی زانیارییەکان، سەر لەبەیانی ڕۆژی دووشەممە ٢١ی ڕەزبەری٢٧٢٥ی کوردی، حوکمی ئێعدامی دوو کەس لە زیندانی ناوەندی ڕێژیمی ئێران لە یەزد جێبەجێ کرا.
ناونیشانی ئەم دوو زیندانییە کەریم ئەسلانی و شارۆخ قەمەری ڕاگەیەندراوە.
هەر دوو کەس بەتۆمەتی پەیوەندیدار بە مادە سڕکەرەکان بە ئێعدام مەحکووم کرابوون.
بەگوێرەی هەواڵەکە، کەریم ئەسلانی خەڵکی یەزد و چوار ساڵ بەرێ بەتۆمەتی هەڵگرتنی مادەی هۆشبەر دەسبەسەر و پاش دادگایی بە ئێعدام مەحکووم کرا.
شارۆخ قەمەری خەڵکی خوڕەماوا و ئەویش بەتۆمەتی هاوشێوە سزای ئێعدامی بەسەردا سەپێنرابوو.
تا کاتی ئامادە کردنی ئەم هەواڵە، ئێعدامی ئەم دوو زیندانییە لە ڕاگەیاندنە ناوخۆییەکانی ئێران یان لەلایەن سەرچاوە فەرمییە قەزاییەکانەوە ڕانەگەیەندراوە.
ق.ش
