ک.م.م.ک:
بەپێی زانیارییەکان، سێ هاوڵاتی بەناوەکانی عوسمان عەباسی، هێمن عەلیزادە و شارام سوڵتانی، هەموو خەڵکی سایینقەڵا(شاهیندژ)، پاش چوونیان بۆ لقی جێبەجێکردنی حوکمە قەزاییەکان، دەسبەسەر و بۆ تێپەڕاندنی خولی حوکمەکەیان بۆ زیندانی میاندواو ڕاگوازران.
ئەم هاوڵاتیانە پێشووتر لە ڕەوتی بەڕێوەچوونی ڕێوڕەسمەکانی نەورۆزی ٢٧٢٥ی کوردی. لەلایەن هێزە ئەمنییەکانەوە دەسبەسەر و پاش سازکردنی مەلەفی قەزایی لە گەڵ حوکمی زیندان ڕووبەڕوو بوونەوە.
شیاوی باسە کە عوسمان عەباسی بە ٧ مانگ و ١٦ڕۆژ، هێمن عەلیزادە بە ١٥مانگ و ڕۆژێک و شارام سوڵتانی بە ٩مانگ و ڕۆژێک زیندان مەحکووم کراون.
ق.ش
