بڕیاری ده‌ستگیرکردنى ساڵح موسلیم لە لایەن دادگای تورکیا، پێشێلکاری ئاشکرایی په‌یماننامه‌ى نێونه‌ته‌وه‌یى و مافه‌کانى مرۆڤ و دەستدرێژی بو سەروری وڵاتانە

کۆمەڵەی مافی مرۆڤی کوردستان، بڕیارى دادگاى تورکیا سه‌باره‌ت به‌ ده‌ستگیرکردنى ساڵح موسلیم، هاوسه‌رۆکى په‌یه‌ده‌، له‌ دژى په‌یماننامه‌ى نێونه‌ته‌وه‌یى و مافه‌کانى مرۆڤ دەزانێت و ڕادەگەیێنێت کە هیچ ناوەند و دادگایەکی تورکیا ئەو مافەی نیە کە بڕیار لە گرتنی کەسایەتی سیاسی و دیپلۆماتیکی رۆژئاوایی کوردستان بدات ‌.

سالح موسلیم کەسایەتی سیاسی و دیپلۆماتیکی رۆژئاوایی کوردستان کە یەکێک لە رێبەرانی بزوتنەوەی رزگاری رۆژئاوایی کوردستان و هاوسەرۆکی پارتی یەکێتی درموکراتیک PYDیە، وەک نوێنەری کوردان دەناسرێت و هەر هەڕەشەیەک لەسەر ناوبراو وەک هەرەشە لە کۆیی کوردستانە.

حکومه‌ت و کۆماری تورکیا دەیهەوێ بەو کردەوانە دژایه‌تى خۆى بۆ گه‌لى کوردستان دووپات کاتەوە‌، روون و ئاشکرایە کە کۆماری تورکیا ئدژایه‌تى هه‌موو کوردێک ده‌که‌ن له‌ هه‌ر کوێیه‌کی کوردستان و جیهان  بێت.

هاوکات لەگەڵ ئەو بڕیارەی کۆماری تورکیا ،بڕیاری ده‌ستگیرکردنی 48 که‌سى سیاسی و ناوداری کورد دەرکراوە.

کۆمەڵەی مافی مرۆڤی کردستان، وێرایی ئیدانەکردنی ئەو هەڵوێست و کردەوانەی تورکیا، داوا لە نەتەوە یەکگرتوەکان دەکت، پێش بگرێت لە زیادەرەویەکانی دەوڵەتی تورکیا و پەلکێشی رێزگرتن لە یاسا نێونەتەویەکان و وڵاتانی دراوسێی کات.

کۆمەڵەی مافی مرۆڤی کوردستان

%d bloggers like this: