دیولان لە سمینارێک دا:” نا بۆ توند و تیژی دژ بە ژنان”

دوێنێ  ئێوارێ واتە  8ی رێبەندان لە کاتژمێر 3 بۆ 6 ئێوارێ  لە شاری دیولان سەر بە پارێزگایی سنە لە رۆژهەڵاتی کوردستان کۆرێک لە سەر نەهێشتنی  توند تیژی دژ بە ژنان, لە لایەن  چالاکانی مەدنی ئەو شارەوە بەرێوە چوو.

شایانی باسە ئەو سمینار و کۆرە  بە بشداری ماموەستایانی زانکۆو  خەڵکی شاری دیولان لە ساڵۆنی ی ئێرشادی ئەو شارە بەرێوە چوو .
لەم دانیشتنەدا  شێوازی ئەو توند و تیژیانەی  لە هەمبەر ژنان روو دەدات خرایە بەرباس و بەشداربووان چۆنیەتی و شێوازی ئەو توندو؛تیژیانەیان هێنایە بەر باس.
چالاکانی مەدنی و بەشدار بووانی ئەو سمینارە بۆ نەهێشتنی ئەو کردەوە دژە مروڤیە را و بۆچوونگەلی جیاوازی خۆیان باس کرد و پێداگریان لەسەر نەهێشتن و ریشەکەن کردنی کرد.

بەشدار بووان و چالاکانی مەدەنی کە لەو کۆرە دا ئاخاڤتنیان کرد، لە سەر ئەو بابەتە هاورا بوون کە خاڵی سەرەکی توند و تیژی دژ بە ژنان کەڵک گرتن لە ئایین و بیرۆکە دواکەوتوەکانە کە بۆ دژایەتی ژنان کەڵکی لێ دەگیرێ

بەڕێەوەبەرانی ئەم کۆرە تەکیدیان کردوە گەر کۆمەڵگا بە گشتی و ژنان و لاوان بەتایبەتی ئاستی خوێندەواری خۆیان بەرنە سەر، رێگەچارەی بنبڕی ئەو توند و تیژیانەیان کردوە
هاوکات داوایان لە مێدیا و رەسانەکان کرد کە ئەرک و رۆڵی خۆیان بۆ تێگەیاندنی کۆمەڵگا لە یەکسانی و مافی یەکسان و بەرابەری ژن و پیاو بەجێ بێنن و یارمەتیدەر بن بۆ ئەوەی کە ئاستی رۆشەنبیری کۆمەڵگا ببەنە سەر