گەنجێگی خەڵکی ورمێ کە خوێندنی باڵای تەواو کردبوو ،کۆتایی بە ژیانی خۆی هێنا.

بە پێی هەواڵی گەیشتوو بە کۆمەڵەی مافی مرۆڤی کوردستان ،یونس ئەفشاری کە خویندنی زانکۆی تەواو کردبوو بە تەقەی دەمانچە لە ڕۆژی یەک شەممە ۳۰ی خەزەڵوەر بە هۆی بێکاری و بێ دەرەتانی کۆتایی بە ژیانی خۆی هێنا.

لە ڕاپۆرتەکەدا هاتووە، کە یونس سەرەڕای تەواو کردنی خویندنی زانکۆ و هەوڵ بۆ دۆزینەوەی ئیش و کار سەردانی هەموو کۆمپانیاکانی کردوە بەڵام بە هۆی نەبوونی ئێش و کار و جیاوازی دانان لە نێوان نەتەوە جیاجیاکانی ئێران که سیاسەتی کۆماری ئیسلامی ئێران ، نەیتوانیوە کار پەیدا بگات و لە هیچ شوێنێک ئیشی بۆ نەدۆزراوەتەوە. لە کۆتایدا بە هۆی نالەبار بوونی دۆخی ئابووری و بێ هیوای لە ژیان خۆی دەکوشێت.

جێگای وەبیرهێنانەوەیە کە لە ناوەڕاستی مانگی ڕابردوودا لە بەشی ئەزگلە سەر بە شاری سەلاسی باوەجانی ،گەنجێک بە هۆی بێکاری و پاش هەوڵدانێکی زۆر بۆ وەدەستخستنی ئیش کە بی ئاکام بوو و لە کۆتایدا بە هۆی بێ هیوایی لە ژیان دەستیدایە خۆکوژی و گیانی لە دەستدا.

سەرەڕای ئەم دۆخە ، ناوەندی ئاماری ئێران ڕایگەیاندوە کە لە هاوینی ئەمساڵ ڕێژەی بێکاری لە کوردستان۱۳/٦٪ و لە کرماشان ۱۱/۹٪ و لە پارێزگای ئیلام ۱۱/۲٪ و لە پارێزگای ورمێ ۷/٥٪ بووە ،بەڵام بە پێی ڕای کارناسان، ڕێژەی بێکاری لەم پارێزگایانەدا لانی کەم ، زیاتر لە ۲۰٪ دەبێت.و زۆربەی کارمەندانی حکومەت کەسانێکن کە لە شارەکانی ناوەندی ئێرانەوە دەنێریەن بۆ ئەم پارێزگایانە ئەم لە حاڵێکدایە کە خەڵکانی ئەم دەڤەرانە خۆیان بێ ئیش و کارن ، و کۆماری ئیسلامی ئێران بەم شێوەیە سیاسەتی خۆی بۆ بەکرێگردتن و کۆیلەکردنی گەلانی دیکە پەیڕەو دەکات.

کۆمەڵەی مافی مرۆڤی کوردستان

%d bloggers like this: