ک.م.م.ک:
ڕۆژی پێنجشەممە ڕێکەوتی ١٧ی ڕەشەمەی ساڵی ٢٧٢٣ی کوردی، لە ئەنجامی تەقینەوەی مینی چێندراو، هاووڵاتییەک بە ناسنامەی محەممەد میرزایی خەڵکی گوندی بانەورە سەر بە شاری پاوە، یەکێک لە ئەندامانی جەستەی پەڕیوە و لەدەستیداوە.
شایەنی باسە ئەم هاووڵاتییە بەهۆی تەقینەوەی ئەو مینە چێندراوانەی کە لە شەڕی نێوان ڕژیمی بەعس و ڕێژیمی ئێران لە میحوەری سنووری نۆسوود بەجێماون، تووشی بڕینی پاژنەی چەپی پێی بووە و بۆ چارەسەر گوازراوەتەوە ناوەندی دەرمانی شاری پاوە.
جێگەی ئاماژەیە کە ئەو مینانەی کە لە شەڕی نێوان ڕێژیمی ئێران و ڕژێمی بەعس بەجێماون ساڵانە دەبنە هۆی گیانلەدەستدان و پەڕین و لەدەستدانی ئەندامانی جەستەی هاووڵاتییان لە کوردستان، کە ڕێژیمی ئێران نەک هەر بڕیارێک بۆ پاککردنەوەی ئەو مینانە نادات، بەڵکو شایەتحاڵی چاندنی مینی نوێ لە هەرێمە سنوورییەکانداین، بەهۆی ژیانی کۆچەری و ڕەخساندنی هەلی کارێکی ساختەی وەکوو کۆڵبەری، لە ئەنجامی ئەو هەژارییە سیستماتیکییەی بەسەر میللەتی کورددا سەپێنراوە، ساڵانە کارەساتێکی زۆر لەم ناوچە سنوورییانە ڕوودەدات.
ک.ح
