ک.م.م.ک:
ڕۆژی پێنجشەممە ٢٦ی ڕێبەندانی ٢٧٢٣ی کوردی، هاووڵاتییەک بە ناسنامەی پێدرام حسێن پەناهی خەڵکی گوندی قڕووچای دێوولان لە شاری سنە لە لایەن هێزە ئەمنییەکانی ڕێژیمی ئێرانەوە دەستبەسەر و بۆ شوێنێکی نادیار ڕاگوێزرا.
بەگوێرەی ئەو هەواڵە، ناوبراو بۆ چاوپێکەوتن لەگەڵ بنەماڵەی کوژراوی هەژیر (محەمەد) فەرامەرزی، زیندانی سیاسی کە لەسێدارە درابوو، چوو بوو بۆ دێووڵان و لە بازگەیەکی نێوان دێوولان و سنە لەلایەن هێزەکانی دەزگای ئیتلاعاتەوە دەستبەسەر دەکرێ.
جێگەی ئاماژەیە، تا ساتی ئامادەکردن و بڵاوکردنەوەی ئەم هەواڵە، هیچ زانیارییەک لەسەر چارەنووس و شوێنی ڕاگرتنی ئەم هاوڵاتییە لەبەردەستدا نییە.
ک.ح
