ک.م.م.ک.:
ڕۆژی شەممە ڕێکەوتی ٢٢ی ڕەزبەری ساڵی ٢٧٢٣ی کوردی، چالاکێکی ژینگەپارێزی بە ناسنامەی ئیقباڵ مەجیدی خەڵکی شاری (سنە)، لەلایەن هێزەکانی ئیدارەی ئیتلاعاتی حکوومەتی ئێرانەوە دەستبەسەر و بۆ شوێنێکی نادیار گوازرایەوە.
بەپێی زانیارییەکان، ناوبراو، لە دووکانەکەی خۆی کە دەکەوێتە سەر شەقامی غەفوور لە شاری (سنە) دەستبەسەر کراوە و دوای دەستبەسەرکردنی ماڵ و دووکانەکەشیان پشکنیوە.
پێویستە ئاماژە بەوە بکرێت کە ناوەبراو ، لەلایەن دادوەرەوە ماوەی ٢٠ ڕۆژ دەستبەسەرکردنی کاتی بۆ دەرچووە، ئیقباڵی مەجیدی نەخۆشی دڵی هەیە و هەر ئەوەش بووەتە هۆی نیگەرانی و پەشۆکاوی بنەماڵەکەی.
ک.ح
