ک.م.م.ک:
هەواڵنێری KMMK, ڕایگەیاند لانیکەم ٧ زیندانی لە بەشێکی زیندانی قزڵحەساری کەرەج لە ڕێکەوتی ٢٠ی پووشپەڕی ٢٧٢٣ی کوردی، بەناوەکانی: سەعید گراوەند، شەهاب مەنسووری گراوەند، سەمەد گراوەند، شەریف ئەتیوەند، سیامەک گراوەند، عەینوڵا بەدرینەژاد و موسلیم حەواسی ئێعدام کران.
بەگوێرەی هەواڵەکە، ئەم زیندانیانە ڕۆژێ پێشتر بۆ ژووری تاکەکەسی ڕاگوازرابوون و بۆ جێبەجێکردنی حوکمی ئێعدام ئامادە کرابوون.
شیاوی باسە کە ئەم زیندانییە ئێعدام کراوانە هەموویان خەڵکی کوهدەشتن.
شیاوی باسە کە هەواڵی ئێعدامی ئەم هاوڵاتیانە لەلایەن ڕاگەیاندنەکانی ناوخۆ و سیستەمی قەزایی ڕێژیمی ئێرانەوە ڕووماڵ نەکراوە.
ق.ش
