ک.م.م.ک:
بەپێی زانیارییەکان، دووشەممە ٩ی گەلاوێژی ٢٧٢٣ی کوردی، ٢ چالاکی کرێکاری بەناوەکانی سدیق ڕێحانی و ڕێبوار عەبدوڵایی بەڕێز بەدانانی بارمتەی ٣٠٠ ملوێن تمەنی و ٥٠٠ملوێن تمەنی بەشێوەی کاتی لە زیندانی ناوەندی حکوومەتی ئێران لە سنە ئازاد کران.
شیاوی باسە، سدیق ڕێحانی و ڕێبوار عەبدوڵایی چالاکانی کرێکاری شاری سنە لە ڕۆژانی ١٣ و ٢١ی پووشپەڕی ئەمساڵ لەلایەن هێزە ئەمنییەکانی ئێرانەوە بەبێ نواندنی حوکمی قەزائی دەستبەسەر و بۆ گرتووخانەی ئیدارەی ئیتلاعاتی حکوومەتی ئێران لەو شارە ڕاگوازرا و پاش کۆتایی قۆناغەکانی لێپرسینەوە بۆ بەشی کەرەنتینەی زیندانی ناوەندی حکوومەت لە سنە ڕاگوازران.
ق.ش
