ک.م.م.ک:
ڕۆژی یەکشەممە ٣١ی گوڵانی ٢٧٢٣ی کوردی، هاوڵاتییەکی خەڵکی مەلەکشاهی سەربە ئیلام بەناونیشانی هێژا ئومیدی ٣٥ساڵ تەمەن و چالاکی مەدەنی، لەلایەن هێزە سەرکوتگەرەکانی ذێژیمی ئێرانەوە دەستبەسەر و بۆ شوێنێکی نادیار ڕاگوازرا.
بەگوێرەی هەواڵەکە، ئەم چالاکە مەدەنییە لە شاری ئیلام لەلایەن دوو ماشێنی لەجۆری سەمەند هێرش کرایەسەری و ڕفێنرا و تا ئێستەیش هۆکاری دەستبەسەری و شوێنی ڕاگیرانی ناوبراو نەزانراوە.
جێی بیرهێنانەوەیە، هێژا ئومیدی چالاکی مەدەنی و دەرچووی کارناسی باڵای زانستی سیاسییە کە ساڵی ڕابردوو لە ڕەوتی شۆڕشی ژن، ژیان، ئازادی لەلایەن سەرکوتگەرانی ڕێژیمی ئێرانەوە دەستبەسەر کراوە.
ق.ش
