ک.م.م.ک:
شەممە ٣٠ی گوڵانی ۲۷۲۳ی کوردی، هاوڵاتییەک بە ناوی جەلال تەپاک، ۳۰ ساڵە کوری مستەفا و خەڵکی پیرانشار بە دانانی بارمتەی ٣ میلیارد و ٥٠٠ ملوێن تمەنی بە شێوەی کاتی لە زیندانی حکوومەت لە نەغەدە ئازاد کرا.
شایانی باسە ناوبراو لەلایەن دەسەڵاتی دادوەری ئێرانەوە بە تۆمەتی “هاوکاریکردن لەگەڵ لایەنێکی ئۆپۆزیسیۆنی حکوومەتی ئێران” دەستبەسەر کرابوو و بەهۆی خراپبوونی باری تەندروستییەوە بەم دواییانە لە زیندانەوە گواستراوەتەوە بۆ نەخۆشخانەی نەغەدە.
جێی ئاماژەیە کە ئەم هاوڵاتییە، لەبانەمەڕی ۲۷۲۲ دا،، لەلایەن هێزەکانی حکومەتەوە لە پیرانشار دەستبەسەرکرا و پاش لێپرسینەوە لە گرتووخانەی ئیدارەی ئیتلاعاتەوە گوازرایەوە بۆ زیندانی حکوومەت لە نەغەدە و لە ماوەی دەستبەسەری دا بۆ وەرگرتنی دانپێدانانی زۆرەملێ بەتوندی ئەشکەنجە کرابوو و لە مافی چاوپێکەوتنی بنەماڵەش بێبەری کرابوو.
ع. س
