ک.م.م.ک:
بەگوێرەی ڕاپۆرتەکان، دوو هاووڵاتی خەڵکی بوکان بە ناوەکانی سەڵاح ئەحمەدی تەمەن ٥٥ ساڵ و سولەیمان جاوید تەمەن ۳٥ ساڵ لەلایەن هێزە ئەمنییەتییەکانی ئێرانەوە لە بوکان دەستبەسەرکراون و گواستراونەتەوە بۆ شوێنێکی نادیار.
شایانی باسە کە سەڵاح ئەحمەدی پزیشکە و سولەیمان جاوید- ش جێگری ناوبراوە و هەردووکیان لە دەرمانخانەی دکتۆر ئەحمەدی لە شوێنی کارەکەیان دەستبەسەرکراون.
جێی ئاماژەیە کە ئەو دوو هاووڵاتییە بە بێ نواندنی حوکمی دادوەری لە لایان هێزە ئەمنییەتییەکانی حکوومەتی ئێران دەستبەسەر کراون.
شایانی باسه تا کاتی داڕشتنی ئەم هەواڵە، لەمەڕ شوێنی ڕاگرتن و چارەنووسی ناوبراوەکان هیچ زانییارییەک بەدەستەوە نییە.
ع. س
