بە پێی ڕاپۆرتی گەیشتوو بە کۆمەڵەی مافی مرۆڤی کوردستان ،ڕۆژی پێنج شەممە ۱ی ڕەزبەری ئەم ساڵ هێزە ئەمنیەکانی کۆماری ئیسلامی ئێران هێرشیان کردە سەر کۆڵبەران و کاسبکاران لە دەڤەری ماشکانی کۆنەرە سەر بە شاری پیرانشار لە ڕۆژهەڵاتی کوردستان ،کە کۆڵبەران بۆ ڕزگار کردنی خۆیان هەڵهاتن، بەڵام ئەسپ و ئێسترەکانیان لە لایەن هێزە ئەمنیەتیەکانی ئێرانەوە کەوتنە بەر دەسڕێژ و پتر لە ۱۰ئەسپ و ئێستری هاوڵاتیان کوژران.
لە درێژەی ڕاپۆرتەکەدا هاتوە،کە هێزە ئەمنیەکانی ئێران دەستیان گرت بە سەر کەلوپەلی کۆڵبەراندا .
شایانی باسە ؛کە لە ئەم ساڵدا پتر لە ۱٥۰جار تەقەی ڕاستەوخۆ لە لایەن هێزە ئەمنی وئینتزامیەکانی کۆماری ئیسلامی ئێرانەوە کراوەتە سەر کۆڵبەران و کاسبکارانی کورد،کە ئاکامی ئەم هێرشانە کوژرانی پتر لە ۷۸کەس بوە.
کۆمەڵەی مافی مرۆڤی کوردستان
