ک.م.م.ک:
بەپێی زانیارییەکان، دووشەممە٢٤ی ڕێبەندانی٢٧٢٢ی کوردی، ٣کەس لە ئەندامانی لێژنەی ڕێوەبەری ئەنجوومەنی کەلتووری ــ کۆمەڵایەتی نۆژین بەناوەکانی سەیوان ئیبراهیمی، سروە پوورمحەممەدی و سۆما پوورمحەممەدی بەدانانی بارمتە بە شێوەی کاتی لە گرتووخانە ئەمنییەکانی حکوومەتی ئێران لە سنە ئازاد کران.
هەر لەم چوارچێوەیە، یەزدان(ئایەت) عارفی نیا مافناس و چالاکی مەدەنی خەڵکی شاری ئابدانان و نیشتەجێی تاران پاش تێپەڕینی ٣مانگ و نیو زیندان ئازاد کرا.
شیاوی باسە، یەزدان عارفی نیا ڕێوەبەری دامەزراوەی یاسایی هەنارس لە تارانە کە بە گەڵاڵەی سکاڵای ئیدارەی ئیتلاعاتی سپا بەتۆمەتی ئاڵۆزاندنی بیروڕای گشتت لە تاران دەستبەسەر و لەلایەن دادگای ئینقلابی حکوومەتەوە لە تاران بە٦ مانگ زیندان و قەدەغەی چوونەدەرەوە لەوڵات مەحکووم کراوە.
ق.ش
