ک.م.م.ک:
بەپێی هەواڵەکان هاوڵاتییەک بەناونیشانی ماردین(عەلیڕەزا) ڕەسووڵیان پوور ١٩ساڵ تەمەن خەڵکی پیرانشار، لەلایەن لقی ١٠٢ی دادگای سزاکانەوە بە سەرۆکایەتی دادوەر ئەمیر محەممەدی، بەتۆمەتی پێکهێنانی گردبوونەوە و سازان دژی ئاسایشی نەتەوەیی بەدوو ساڵ زیندانی تەعزیری مەحکووم کرا.
جێی سەرنجە، ناوبراو ٢ی خەزەڵوەری ئەمساڵ لەلایەن هێزە ئەمنییەکانی حکوومەتی ئێرانەوە دەستبەسەر و پاش کۆتایی خولی لێپرسینەوە بۆ زیندانی شاری نەغەدە ڕاگوازراوە.
بەگوێرەی هەواڵەکان، حوکمی کۆتایی ناوبراو لە کاتێکدا پێی ڕاگەیەندراوە کە لە دەسڕاگەیشتن بە پارێزەر بێبەری بووە.
ق.ش
