ئاگر کەوتنەوە لە دارستانەکانی گێڵانی غەرب لە ڕۆژهەڵاتی کوردستان بەردەوامە.
بەپێی هەواڵی گەیشتو بەکۆمەڵەی مافی مرۆڤی کوردستان، ئەمڕۆ ۲٦خەرمانانی ۹٥ی هەتاوی ئاگرێکی بەرفەراوان دارستان و لەوەڕگەکانی گێڵانی غەربی گرتوەتەوە.
لەم بارەیەوە ژینگەپارێزان و هێزەکانی خەڵک بۆ کوژاندنەوەی ئاگرەکە گەیشتنە ئەو دەڤەرە.
بە هۆی بەرفەراوانی ئاگرەکەوە ،ژینگە پارێزان بۆ کوژاندنەوەی ئاگرەکە داوا دەکەن کە چالاکان و خەڵکانی زیاتر بچن بە هانایانەوە.
جێی ئاماژەیە کە ساڵانە بڕێکی زۆری دارستانەکانی کوردستان لە ئاگردا دەسووتێنن و ئەوە خەسارێکی گەورەی لە ژینگەی کوردستان دەوا و دەسەڵاتدارانی ئێران هیچ هەنگاوێکیان بۆ چارەسەری ئەو بابەتە هەستیارە هەڵنەگرتوە.
کۆمەڵەی مافی مرۆڤی کوردستان
