ک.م.م.ک:
شەممە ٢١ی خەزەڵوەری ٢٧٢٢ی کوردی، هێزە سەرکوتگەرەکانی کۆماری ئیسلامی ئێران لە پشکنینی ماڵ بە ماڵ و دەستبەسەرییە بەربڵاوەکانی لە کوردستان، لە شاری بۆکان هاوڵاتییەک بەناونیشانی پێشەوا ئاقاوەلی ـیان دەستبەسەر و بۆ ئیدارەی ئیتلاعاتی ئێران لەو شارە ڕاگواست.
بەپێی هەواڵی سەرچاوەی هەواڵگری کۆمەڵەی مافی مرۆڤی کوردستان: هێزە چەکدارە سەرکوتگەرەکانی ئێران بەتۆمەتی خۆپیشاندان لە شەقام و توندئاژیانە ئەم هاوڵاتییەیان دەستبەسەر کرد.
شیاوی باسە کە، تا کاتی ئامادەکردن و بڵاوکردنەوەی ئەم هەواڵە، هیچ زانیارییەک لە چارەنووسی پێشەوا ئاقاوەلی بەدەستەوە نییە.
ق.ش
