ک.م.م.ک.:
ڕۆژی دووشەممە ٢١ی خەرمانانی ساڵی ٢٧٢٢ی کوردی، هێزە سنوورییەکانی کۆماری ئیسلامیی ئێران، دوو کۆڵبەر بە ناوی “تاڵیب غەفاری” کوڕی ئەبوبەکر خەڵکی گوندی نەجنە لە ناحیەی بانە و “خالەق حەمزەپوور” کوڕی عەزیز خەڵکی گوندی مەنیجلان سەر بە هەنگەژاڵی ناحیەی بانەیان بە تەقەی ڕاستەوخۆ بریندار کرد.
بەپێی راپۆرتەکە، هێزە چەکدارە سنوورییەکانی ئێران بەبێ ئاگادارکردنەوەی پێشوەختە و بە چەکی کڵاشینکۆف تەقەیان لەو کۆڵبەرانە کردووە و هەردووکیان لە بەشی قاچیان دا برینداربوون.
پێویستە بزانین خالەق حەمزەپوور خێزاندارە و باوکی یەک منداڵە، تاڵیب غەفاریش خاوەنی دوو منداڵە.
شایانی باسە دوو برینداری کۆڵبەر بەمەبەستی چارەسەرکردن بۆ نەخۆشخانەی سەلاحەددین ئەیوبی بانە گوازراونەتەوە.
ک.ح
