ک.م.م.ک:
بە پێی هەواڵی کۆمەڵەی مافی مرۆڤی کوردستان، پێنجشەممە ٨ی گوڵانی ٢٧٢٢ی کوردی، دوو کۆڵبەر بە ناوەکانی نامدار حسەینی و ئەمین وەیسی خەڵکی شاری جوانڕۆ بە تەقەی ڕاستەوخۆی هێزە چەکدارەکانی ئێران لە ناوچەی میلە سەر بە شاری نەوسوو بریندار بوون.
بە پێی هەواڵەکە، ئەمین وەیسی فیشەک بە سنگ و شان و نامدار حسەینی ـ یش بەر سەری کەوتووە و بە گرانی بریندار بوون و بۆ چارەسەری پزیشکی ڕەوانەی ناوەندێکی دەرمانی لو نەوسوود کراون.
بە گوێرەی هەواڵەکان دۆخی تەندرووستی ئەم دوو کۆڵبەرە ناجێگیر ڕاگەیەندراوە.
ق.ش
