ک.م.م.ک:
بە پێی هەواڵی کۆمەڵەی مافی مرۆڤی کوردستان، هاوڵاتییەک بە ناونیشانی سەعدی ئەحمەدپووری خەڵکی بۆکان لە ماوەی ڕۆژانی ڕابردوو بە مەبەستی کێشانی حوکمەکەی دەستبەسەر و بۆ زیندانی ئێران لەو شارە ڕاگوازرا.
جێی بیرهێنانەوەیە کە، ناوبراو لە لایەن سیستەمی قەزایی کۆماری ئیسلامی ئێرانەوە لە بۆکان بە تۆمەتی هاریکاری حیزبێکی کوردی دژبەری دەسەڵات بە ساڵێک زیندانی تەعزیری و لە کۆتاییدا لە لایەن دادگای پێداچوونەوەی ئێران لە پارێزگای ورمێ بۆ شەش مانگ داشکاوە.
شیاوی باسە کە، ئەم هاوڵاتییە لە سەرەتای ڕەزبەری ئەمساڵ لە لایەن هێزە ئەمنییەکانی ئێرانەوە دەستبەسەر و پاش مانگێک دەستبەسەری بە دانانی بارمتە بە شێوەی کاتی تا کۆتایی قۆناغی دادگایی، یازاد کرابوو.
ق.ش
