KMMK:
پێنجشەمە 16ی گولانی 2721ی کوردی، هاوڵاتییەکی بە ناوی سۆران عزەتی فەر 25 ساڵە باوکی دوو منداڵان و خەڵکی شاری نەغەدە بە خۆهەڵواسین هەوڵی خۆکوشتنی دا و کۆتایی بە ژیانی خۆی هێنا.
تا کاتی داڕشتنی ئەم هەواڵە، لەسەر هۆکاری خۆکوشتنی ئەو هاوڵاتییە هیچ زانیارییەک لە بەر دەستدا نییە.
جێگای ئاماژەیە، کە بەهۆی هەژاری و نەبوونی کارەوە، خەڵکی ڕۆژهەڵاتی کوردستان و بەتایبەت گەنجان فشارێکی زۆری ئابوورییان لەسەر بووە و ئەوەش بووە هۆی زیادبوونی ڕێژەی خۆکوشتن.
کۆمەلەی مافی مرۆڤی کوردستان
