KMMK:
بە پێی هەواڵی گەیشتوو بە کۆمەڵەی مافی مرۆڤی کوردستان دوو هاوڵاتی ڕۆژهەڵاتی کوردستان بە ناوەکانی شەفیع محەممەد نەژاد، 44 ساڵ تەمەن کوڕی محەممەد و خزر قادری ئازەر، 50 ساڵ تەمەن کوڕی عەبدوڵڵا خەڵکی پیرانشار سەرجەم بە 10 ساڵ زیندان مەحکووم کراون.
دادگای ئینقلابی ئیسلامی ئێران لە شاری پیرانشار، ئەم دوو هاوڵاتییەیان بە تۆمەتی ئەندامەتی لە حیزبێکی کوردی دژبەری دەسەڵاتی ئێران بە10 ساڵ زیندانی تەعزیری مەحکووم کردووە.
جێی بیڕهێنانەوەیە ئەم دوو هاوڵاتییە، 19ی خەزەڵوەری ئەمساڵ لە لایەن هێزە ئەمنییەکانی ئێرانەوە له پیرانشار دەستبەسەر و بۆ گرتووخانەیەکی ئەمنی ئێران لە ورمێ ڕاگواستران و پاش ماوەیەک بە دانانی بارمتە بە شێوەی کاتی ئازاد کرابوون.
کۆمەڵەی مافی مرۆڤی کوردستان
