ورمێ: ئیبراهیم و سالار سەدیق هەمدانی مانیان لە خواردن گرت

KMMK:
دووشەممە 7 رەزبەری 2720ی کوردی، ئیبراهیم سەدیق هەمدانی و کوڕەکەی سالار سدیق هەمدانی، دوو زیندانی سیاسی لە زیندانی حکومەتی ئێران لە ورمێ، بۆ ناڕەزایەتی دەربڕین لە هەمبەر بەڕێوە نەبردنی یاسای جیاکردنەوەی گیراوان مانگرتنیان لە خواردن ڕاگەیاند و داوایان کرد کە بۆ بەشی گیراوانی سیاسی ڕاگواسترێن.
ئەو دوو زیندانییە داوای جێبەجێ کردنی یاسای جیاکردنەوەی گیراوانی سیاسی و گواستنەوەیان بۆ بەشی گیراوانی سیاسی کردووە.
ئیبراهیم سدیق هەمدانی کوڕی سادق و سالار سدیق هەمدانی کوڕی و مریەمی کچی لە 4ی ڕەشەمەی 2718 دەستبەسەرکران و پاش دوو مانگ لێپرسینەوە، سێشەممە سێی گۆڵانی 2719 گوازرانەوە بۆ زیندانی ناوەندی حکومەت لە ورمێ.
ئیبراهیم و سالار سدیق هەمدانی بە تۆمەتی “کردەوە دژی ئاسایشی نەتەوەیی لە ڕێگەی ئەندامێتی لە یەکێک لە حزبە کوردستانیەکانی ئۆپۆزسیۆنی ئێران” و “پروپاگەندە دژی حکومەت” بە 16 ساڵ زیندان سزا دران.
کۆمەڵەی مافی مرۆڤی کوردستان

%d bloggers like this: