KMMK:
بە پێی راپۆرتی کۆمەڵەی مافی مرۆڤی کوردستان: سابر قادری چالاکی مەدەنی خەڵکی دێولان رۆژی دووشەممە ۱۲ی رەشەمەی ۲۷۱۹ی کوردی بە دانانی بارمتەی ۲۰۰ ملوێن تمەنی بەشێوەی کاتی ئازاد کرا.
سابر قادری ۴۳ ساڵان و ئەندامی رێکخراوەی ژینگەپارێزی” کۆمەڵەی شەیدای سەوزی لەیلاخ” رۆژی دووشەممە ۱۸ی سەرماوەزی ئەمساڵ لە نێو ماڵەکەی خۆی لە شاری دێولان، لەلایەن هێزەکانی وەزارەتی ئیتلاعاتەوە دەست‌بەسەر کرا و بۆ ئیتلاعاتی کۆماری ئێران لە شاری سنە گواسترایەوە.
سابر قادری لە مانگی رەزبەری ساڵی ۲۷۱۲ لە خۆپیشاندانەکانی پشتگیری لە بەرخۆدانی کۆبانی لەلایەن هێزە ئەمنیەتیەکانی کۆماری ئیسلامی ئێرانەوە دەست‌بەسەر و پاش ماوەیەک لە دەست‌بەسەر بون ئازاد کرابو. ئەم چالاکە مەدەنیە لە مانگی رەزبەری ۲۷۱۳ بۆ پاراستنی کانی بڵ لەگەڵ ۹ کەسی تر ماوەیەک دەستیان دایە مانگرتن لەخواردن.
کۆمەڵەی مافی مرۆڤی کوردستان
