KMMK:
سەرلەبەیانیی چوارشەممە، ٣ی ڕەزبەری ۲۷۱۹ی کوردی، چوار بەندکراو لە بەندیخانەی ناوەندیی حکومەتی ئێران لە شاری ورمێ ڕەوانەی ژووری تاکەکەسی کران.
بەپێی زانیاریەکان ناوێ سێ کەس لەو چوار کەسە ئاشکرا بووە و بریتین لە:
رەئوف ئازادی‌خا، براهیم ئەحمەدی‌پور و شەهابەدین مەحمەدپور.
ئەو چوار بەندکراوە بە تۆمەتی مامەڵە بە ماددەی هوشبەرەوە حوکمی لەسێدارەدانیان بە سەردا سەپاوە. هاوکات ماڵباتی ئەو چوار کەسە چوونەتە زیندان و ئیجازەی دوایین چاوپێکەوتنی ئەو چوار زیندانییە لەگەڵ بنەماڵەکانیان دراوە.
ئەو چوار زیندانییە، لە بەندی ١٥ی زیندانی ناوەندیی شاری ورمێدا زیندانی کرابوون.
کۆمەڵەی مافی مرۆڤی کوردستان
