KMMK:
چوارشەممە ۱۶ی گەلاوێژی ۲۷۱۹ی کوردی هێزە ئەمنی و ئیتلاعاتییەکانی کۆماری ئیسلام ئێران هەڵیان کوتایە ماڵی هاوڵاتییەکی ڕەبەتی بەناوی حەسەن کاروانچی و دەسبەسەریان کردووە.
بە گوێرەی هەواڵەکە هێزە ئیتلاعاتییەکانی ئێران کە ۵۰ کەس دەبوون هێرشیان کردە سەر ماڵی بەڕێز کاروانچی و پاش بێ ڕێزی و سوکایەتی بە بنەماڵەکەی، ناوبراویان دەسبەسەر کردووە و لە گەڵ خۆیان بردوویانە.هەر وەها دەستیان بەسەر هەموو موبایلی ئەندامانی بنەماڵەکەیدا گرتووە و لە گەڵ خۆیان بردوویانە.
حەسەن کاروانچی ۶۸ ساڵ تەمەنی هەیە و باوکی سێ کچە.
شیاوی باسە کە ناوبراو برای خدر کاروانچی لە ئەندامانی حیزبی دیمۆکڕاتە و کە،لە ساڵانی شەڕی داسەپێنراوی ئێران بەسەر ڕۆژهەڵاتی کوردستاندا لە تێهەڵچوون لە گەڵ هێزە چەکدارەکانی ئێران گیان خۆی بەخت دەکات.
هاوکات هێرش کراوەتە سەر ماڵی هاوڵاتییەکی تری ڕەبەتی بە ناوی ئیسماعیل ئیبراھیمی(مەلاشێخی) و ناوبراویش لە لایەن هێزە ئەمینیەکانی کۆماری ئیسلامی ئێران گیراوە، ناوبراو دو منداڵی کچ و کوری هەیە.
تا بڵاو کردنەوەی ئەم هەواڵە لە مەڕ هۆکاری دەسبەسەری ناوبراو زانیارییەک دەست نەکەوتووە.
کۆمەڵەی مافی مرۆڤی کوردستان
