KMMK:
جەمشید ئەسەدی کارگێڕی گشتی شار و شۆراکانی پارێزگاری سنە باسی قەرزی ۵۰ میلیارد تمەنی شارەوانییەکانی ئەم پارێزگایەی کرد و تیشکی خستە سەر کێشەی شارەوانی و دێهیارییەکانی ئەم پارێزگایە و مووچەی پاشەکەوتی کرێکارانیەتی.
بەگوێرەی هەواڵەکە ئەسەدی لە دانیشتنی هاوبەشی شارەوانی ،دێهیاری و ئەندامانی شۆرای شار و گوندەکان لە گەڵ جێگری ئاوەدانی وەزیر و بەرپرسی سازمانی شارەوانی و دێهیارییەکانی ئێران بە ئاماژە بە یارمەتی ماڵی بۆ شارەوانییەکانی پارێزگای سنە خوازیاری هەڵکشانی یارمەتییەکان بووە.
شیاوی باسە پاشەکەوتی مووچەی کرێکارانی بەشی خزمەتگوزاری لە هەندێک لە شارەکانی پارێزگا سنە گردبوونەوە و مانگرتنی ناڕەزامەندی لێکەوتۆتەوە.
کۆمەڵەی مافی مرۆڤی کوردستان
