kmmk: ڕۆژی یەکشەممە ۱۸ی سەرماوەزی ۱۳۹۷ی هەتاوی ، ئومێد ئەسەدی چالاکی مەدەنی وکرێکاری کورد لەلایەن لقی یەکی دادگای شۆڕشی کۆماری ئیسلامی ئێران لەشاری سنە ساڵێک زیندانی تەعزیری بەسەردا سەپێنرا.
ئومێد ئەسەدی چالاکی مەدەنی و کرێکاری کورد ڕێکەوتی ۳۰ی گەلاوێژی ئەمساڵ پاش لێدانی زۆر لەلایەن هێزەکانی وەزارەتی ئیتلاعاتی کۆماری ئیسلامی ئێران لە شاری کامێران دەسبەسەر و گوازراوەتەوە بۆ گرتووخانەی ئەو ناوەندە ئەمنییە.
ئەم چالاکە مەدنی وکرێکارییەی کورد پاش تێپەڕاندنی قۆناغی لێکۆڵینەوە بە دانانی بارمتەی ۱۰۰ملوێن تمەنی بەشێوەی کاتی ئازاد کرابوو و ڕۆژی یەکشەممە بەتۆمەتی بەشداری لە گردبوونەوە وکەمپەینگەلی پشتیوانی لە کرێکاران بە ساڵێک زیندانی تەعزیری مەحکووم کرابوو.
کۆمەڵەی مافی مرۆڤی کوردستان
