kmmk:
۳ شەممە ۲۲خەزەڵوەر ، هاووڵاتی کورد حەسەن فەتحی ۲۷ ساڵان و خەڵکی بۆکان بۆ لێپرسینەوە گوازرایەوە بۆ گرتوخانەی ئیتلاعاتی کۆماری ئیسلامی ئێران لە شاری مەهاباد. ناوبراو لە بۆکان دەست بەسەر کرابو.
ئاژانسی کوردپا لە هەواڵێکدا لەم بارەوە رایگەیاندووە: هاشم فەتحی ۲۴ ساڵان و برای حەسەن فەتحی تا ئێستە لە گرتوخانەی ئیتلاعاتی کۆماری ئیسلامی ئێران لە شاری بۆکان دەستبەسەرە.
بنەماڵەی فەتحی بە پەرۆشن لەسەر بارودۆخی رۆڵەکانیانن لە گرتوخانەی ئیتلاعاتی کۆماری ئیسلامی ئێران و جەختیان کردوەتەوە کە ئەم دوو کەسە بە هیچ شێوازێک پەیوەندیان بە چالاکی سیاسیەوە نەبووە.
جێگای ئاماژەیە کە: ئەم دوو برا کوردە رۆژی شەممە ۱۹ی خەزەڵوەر لە شوێنی ئیشی خۆیان لە لایەن هێزەکانی ئیتلاعاتی کۆماری ئیسلامی ئێرانەوە دەست بەسەر کراون.
کۆمەڵەی مافی مرۆڤی کوردستان
