KMMK:
دووشەمە ۱۶ی رەزبەری ۱۳۹۷ ی هەتاوی، سزای سێدارەی هیدایەت عەبدوڵاپور پاش پێداچونەوە لە لایەن ژوری ۴۷ی دیوانی باڵای ئێران پەسەند کرایەوە و سزای سێدارەی ئەم بەند کراوە سیاسیەی کورد بە پارێزەر و بنەماڵەکەی راگەیەندراوە، هەروەها سزای بەندکردنی ۶ کەسی دیکە لە لایەن ئەم دەزگاوە پەسەند کراوەتەوە.
جێگای وەبیر هێنانەوەیە کە: هیدایەت عەبدوڵاپور و ۶ کەسی دیکە لە بڕواری ۲۶ی جۆزەردانی ۱۳۹۵ لە پەیوەندی لەگەڵ شەڕی ئاوایی ” قەرەسەقەڵ” لە شاری شنۆ دەست بەسەر کرابون و لەم پەیوەندە دا بە تۆمەتی ” بەغی” لە لایەن ژوری ۱ی دادگەی شۆرشی کۆماری ئیسلامی ئێران لە شاری ورمێ سزای سێدارەی بەسەردا سەپێندرابو کە پاش دژایەتی لەگەڵ سزای دەرکراودا دۆسیەی ناوبراو رادەستی دادگەی هاوچەرخ دەکرێت و سزای سێدارەی ناوبراو و ۶ کەسی دیکە کە سزای بەندکردنی درێژ خایەنیان بەسەردا سەپێندرابوو بۆ جارێکی دیکە لە لایەن ژوری باڵای وڵاتەوە پەسەند دەکرێت.
لە پەیوەندی لەگەڵ ئەم دۆسیەدا ۶ کەسی دیکە بە ناوەکانی، ” رەسوڵ عەزیزی” بە ناسناوس حاسد،کوڕی ئیبراهیم سزای ۲۵ ساڵ بەندکردن، ” موحەمەد زاهیر فەرامەرزی ” کوڕی کەریم ۲۰ ساڵ بەندکردن، ” جەلال مەسروری” کوڕی مولود ۱۵ ساڵ بەند کردن ” کەمال مەسروری” کوڕی مەولود ۱۰ساڵ بەند کردن،” یەعقوب بائیکرام ” کوڕی رەسوڵ ۱۰ ساڵ بەند کردن و ” سدیق بائیکرام ” کوڕی حوسەین ۱۰ ساڵ بەندکردنیان بەسەردا سەپێندرابوو کە سزای ئەم کەسانە بۆ جارێکی تر لە لایەن ژوری باڵای وڵاتەوە پەسەند دەکرێتەوە.
کۆمەڵەی مافی مرۆڤی کوردستان
