کۆمەڵەی مافی مرۆڤی کوردستان: رێکەوتی ١٢ی ڕێبەندانی ئەمساڵ، دوو شارۆمەندی کوردی دانیشتووی شاری ڕوانسەر لە لایەن هێزەکانی کۆماری ئیسلامی ئێرانەوە قۆڵپێچو بۆ شوێنێکی نادیار گواستراونەتەوە.
بەگوتەی سەرچاوەیەکی ئاگادار؛ «ئەم دوو شارۆمەندە بە تاوانی هاوکاری پارتە کوردستانیەکان دەستبەسەرکراون و بنەماڵەی ناوبراوان بەدوادوچوونیان بۆ شوێنی راگواستنی ئەو دوو کەسە کردووە و هەتاکوو ئێستا هیچ زانیارییەکیان دەست نەکەوتووە.»
ناسنامەی ئەم دوو شارۆمەندە «مێهدی فەرەجی و ئەیووب عەزیزی» ڕاگەیاندراوە.
کۆمەڵەی مافی مرۆڤی کوردستان
