لە درێژەی خۆپیشاندانی نارەزایەتی لە باشوری کوردستان رۆژنامەوانێکی کورد بەناوی (گریڤان فەرمان) لە لایەن هێزەکانی ئاسایشی شاری سلێمانیەوە لە کاتی گواستنەوەی هەواڵ دەست بەسەر کراوە و تاکو ئێستە ئازاد نەکراوە.
هەروەها بە پێی هەواڵی گەیشتوو بە کۆمەڵەی مافی مرۆڤی کوردستان:
لە درێژەی خۆپیشاندان لە چەمچەماڵ خۆپیشاندەران شوێنی خۆپیشاندانەکەیان دەگۆڕن و روو لە وێستگەی کارەبای غازی چەمچەماڵ دەکەن و کاتێک دەیانهەوێت بڕۆنە نێو ویستگەکە لە لایەن هێزە ئەمنییەکانەوە دەسترێژی تفەنگیان لێ دەکرێت و ژمارەیەک بریندار دەبن، هەر لەو بارەوە جێگری بەڕێوبەری تەندروستی چەمچەماڵ(ئەیوب موحەممەد) رایگەیاندووە: کە دوو کەس لە خۆپیشاندەرانی بریندار کراو گەیەندراونەتە بەشی فریاکەوتنی نەخۆشخانەی چەمچەماڵ و لە ژێر چاوەدێری پزیشکیدان.
کۆمەڵەی مافی مرۆڤی کوردستان
