دەرکردنی حوکم بۆ سێ بەندکراوی کورد لە مەودای چەند رۆژی رابردوو

دادگەی کۆماری ئیسلامی ئێران لە شاری ورمێ سێ بەندکراوی سیاسی کورد بە بیانوی هاوکاری کردن لەگەڵ حیزبە ئۆپۆزیسیۆنە کانی کوردستانی تێکڕا ۱۵ ساڵ بەندیخانەیان و دوور خستنەوەیان بەسەردا سەپاو بۆ رادەستی بەندیخانەی کرمان کراونەتەوە.
بە پێی وتەکانی تۆڕی کۆمەڵەی مافی مرۆڤی کوردستان: “ژوری یەکی دادسەرای سەربازی کۆماری ئیسلامی ئێران سێ بەندکراوی سیاسی کورد بە ناوەکانی موحەممەد ئەمین(ئەمیر) پەیغامی چوار ساڵ بەندیخانە، فارۆق شاروێرانی چوار ساڵ بەندیخانە و تاهیر خورشیدی حەوت ساڵ بەندخانەیان بەسەر دا سەپێندراو لە دۆسیەیەکی بەشدار ، قەراری دوور خستنەوەیان بۆ بەندیخانەی کرمان بۆ ئەم سێ کەسە دراوە.
” ئەم سەر چاوەیە پاشان دەڵێت: “دانیشتنی دادگەی ئەم سێ بەندکراوە سیاسیە ، لەرۆژی۱٤ی سەرماوەز لە ژوری یەکی دادسەرای سەربازی ورمێ بەرێوە چووە و حوکمی ئەو کەسانە ئەمڕۆ شەممە ۲۵ی سەرماوەز راگەیەندراوە.
” ئەم سەرچاوەیە پاشان دەڵێت: ” بە هۆی ئەوەی کە تایەر خورشیدی ئەندامی سپای پاسداران بووە دۆسیەی ئەم کەسانە دراوەتە دادسەرای سەربازی. ” فارۆق شاروێرانی لە ۲۱ی گوڵان و تاهیر خورشیدی لە رۆژانی ٨ و ۱۰ی جۆزەردانی ئەمساڵ لە شاری “شنۆ” و بە دەستی هێزە ئەمنیەکان قۆڵبەست کراون.
کۆمەڵەی مافی مرۆڤی کوردستان

%d bloggers like this: