ک.م.م.ک:
ڕۆژی یەکشەممە ٣٠ی خەرمانانی ٢٧٢٥ی کوردی، دوو پیاو لە زیندانی ناوەند ئێران لە کرماشان بەتۆمەتی کوشتنی بەئەنقەست ئێعدام کران. سەرچاوە خۆجێیەکان ناونیشانی ئەوانیان کازم( میلاد) جامەشۆرانی ٢٧ساڵ و هادی نەورۆزی ٢٨ ساڵ ڕاگەیاندووە.
بەپێی کوتەی سەرچاوەی متمانەپێکراو، جامەشۆرانی نێزیک بە ١٧مانگی بەرێ بەتۆمەتی کوشتنی خاڵۆزای خۆی دەسبەسەر و بە کوشتنەوە مەحکووم کرا.
نەورۆزی یش لە پێنج ساڵ بەرێوە بەتۆمەتی کوشتن دەسبەسەر و حوکمی کوشتنەوەی پەسند کرابوو.
تا کاتی بڵاوکردنەوەی ئەم راپۆرتە، هەواڵی جێبەجێ کردنی ئەم دوو حوکمە لە ڕاگەیاندنە دەوڵەتی و سەرچاوە فەرمییەکان ڕووماڵ نەکراوە.
ق.ش
