بەپێی هەواڵی کۆمەڵەی مافی مرۆڤی کوردستان؛ ئەوڕۆ سێ شەممە ۲ی خەزەڵوەر، دوابەدوای ڕاوەدونانی کۆڵبەرانی کورد لەلایەن هێزە چەکدارەکانی کۆماری ئیسلامی ئێران لەشاری سەردەشت، دوو کۆڵبەری کورد بەهۆی کەوتنە خوارەوە لە هەڵدێر وبەرزاییەکان بەگــرانی بریندار بوون.
بەگوێرەی کوردپا؛ ناونیشانی یەکێک لە کۆڵبەرانی بریندار «شیروان ئیبراهیمی» کوڕی کەماڵ، تەمەن ۳۰ ساڵ ڕاگەیەندراوە کە یەکێک لەپێیەکانی شکاوە.
ئەم کۆڵبەرە تەمەن ۳۰ ساڵە پاش لێکەوتنەوەی برینی قوڵ بەهۆی کەوتنەخوارەوە لە بەرزاییەکان لەلایەن هێزە چەکدارەکانی حکوومەتەوە دەسبەسەر کراوە.
لەناونیشانی کۆڵبەرە بریندارەکەی دیکەی ئەم ڕووداوە زانیارییمان پێ نەگەیشتووە.
کۆمەڵەی مافی مرۆڤی کوردستان
