بە پێی ڕاپۆرتێک کە بە کۆمەڵەی مافی مرۆڤی کوردستان گەیشتوە ، چوارشەمە ۱۱ی گەلاوێژ۱۳۹٦ هێزەکانی ئینتزامی کۆماری ئیسلامی ئێران لە سەقز بە تەقەی ڕاستەوخۆ و بەبێ ئاگادارکردنەوە سێڕە لە ماشێنی تایبەتی حەبیب موحبی دەگرن و بە توندی بریندار دەکرێت .
حەبیب موحبی لە هاووڵاتانی شارستانی مەریوانە کە لە نێوان سەقز ــ دوواوان دەکرێتەئامانجی تەقەی هێزی ئینتزامی و بریندار دەکرێت و لە لایەن خەڵکی ئەودەڤەرەوە هەناردەی نەخۆشخانەی شاری سەقز دەکرێت .
هاوکات لەو ڕووداوەدا ماشێنی تۆیوتای حەبیب موحبی لە گەڵ وەرگەڕاندا ئاگری تێبەر دەبێت و دەسوتێت .
لە لاێیکی تروە کۆڵبەرێک بەناوی جەلال بالان کوڕی موحەمەد لە هاووڵاتییانی گوندی حەجران سەربە پیرانشار لە دوای ٥ ڕۆژ مانەوە لە نەخۆشخانەی مهاباد گیانی لە دەست داوە .
شایانی باسە ، جەلال بالان لە ڕۆژی ۱۱ی گەلاوێژ لە لایەن هێزی ئینتزامی کۆماری ئیسلامییەوە لە پیرانشار بریندار دەکرێت وهەناردەی نەخۆشخانەی مهاباد دەکرێت.
کۆمەڵەی مافی مرۆڤی کوردستان
هاووڵاتێیکی کورد لە نزیکی سەقز بریندار دەکرێت و یەکیش لە پیرانشار کوژراوە
