بۆ کۆمەڵانی گەلی کوردستان
هەر وەک ئاگادارین ڕۆژی ۱۷ی جۆزەردان لە سناریوێیکدا ، لە لایان توندئاژۆ ئایینەکانەوە تەقە و تەقینەوە لە ناو پارلمانی ئیران و گۆری خومەینی ئەنجام درا کە کۆماری ئیسلامی ئێران وەکوو خولێکی نوێی لە پلانەکانی دژی گەلی کورد هێنایە سەر شانۆ .
دیارە لەو هەلو مەرجەدا کە کۆماری ئیسلامی تەنگاو بووە و سەرکەوتنەکانی کورد لە ڕۆژاوای کوردستان و بڕیاری ڕفراندۆم لە باشووری کوردستان و نزیک بونەوەی لە مافی چارەی خۆنووسین کە مافێکی دیاریکراوی جاڕنامەی گەردونی مافەکانی مرۆڤە، لەوپارچەیەی کوردستاندا بۆ سیستمی وەلایەت فەقێ قورت نادرێت و ڕق سەرو دڵی گرتوون و بۆ ڕەش کردنی گەلی کورد و کۆدەنگێکی ناوخۆیی دژی نەتەوەی کورد پلانی قڕێژیان هێناوەتە ئاراوەو بۆ ڕەشکردنی کلتور و ڕەسەنایەتی گەلی کورد و پەردەپۆش کردنی تیرۆر و پێشێکاریەکانی مافی نەتەوەکانی تری ئێران و کوردیش یەک لەوان ، لە ڕێگەی ڕاگەیاندن و کاناڵە جۆراوجۆرەکانەوە لە هەوڵی پێک هینانی بەسیجێکی سەرکوت گەری نوێیە بو ئەگەری شۆڕشی بەرفراوانی گەلی کورد لە روژهەڵاتدا.
و هەر وەها لە لایەکی دیکەوە و دوو بەرەکی نانەوش لە ناوگەلی کوردا لە ڕۆژهەڵاتدا ، چونکە ئێمەی کورد وەک ئایین و مەزهەب جگە لە سونە بەشێکی هەرە زۆرمان شێعەیە و هەر وەها ئاینی تریشمان هەیە و ئەوی جیگای شانازی گەلی کوردە هەردەم پێکەوە ژیانمان کردوە و خزمامەتیشمان لە ناو یەکتردا هەبووە و هەیە ، چونکە وەک دەزانن کێشەی کورد لە ڕۆژهەڵادا کێشەی نەتەوایەتیە نەک کێشەی ئاینی و مەزهەبی .
با کۆماری ئیسلامی و حکومەتە سەردەستەکانی ئەو وڵاتە داگیرکەرانەی کوردستان کە کیانیان لە سەر خاکی کورد بنیاد ناوە و ناسنامەی نەتەوەێیشمانیان ون کردووە ، بزانن گەر بەناوی جۆراو جۆر و بە بیانووی یەکپارچەیی خاکی ئێران گەر دەتانەوێت کەرامەتی نەتەوەیی گەلی کورد بشکێنن و بە پروپاگەندای قیزەون دەستی تیرۆری و دزێوی خۆیان بە سەر گەلی کورددا بسڕنەوە و لێتانی قەبووڵ ناکەین.
ئێمە وێڕای مەحکوم کردنی ئەو هێرشە ناڕاوایانە کە لەم دوایانەدا کراوەتەوە سەر کەرامەتی نەتەوەییمان بە بیانووی ئەو کردەوە قێزونەی داعشی ئێران و شامەوە لە تاران و گۆڕەکەی خومەینی کە تێیدا تیرۆری کەرامەتی نەتەوەییمان لەلایەن تاقمێک مێدیای حکوومییەوە پەرەی سەندووە و سنووریان بەزاندووە ، داواکارین لە گەلی کورد و ڕێکخراوە مافی مرۆڤییەکان و سەرجەم ناوەندە مەدەنییەکان ، پێکڕا و بە یەک دەنگ هاواری مرۆڤایەتیمان هەڵبڕین و هەستین بە بەرگری لەکەرامەت و مێژوی نەتەوەی کورد و ئەو پلانەی داگیرکەران پووچەڵ کەینەوە کە دەیانەوێت ، زێد و نیشتمانمان لە چنگ دەربێنن و مێژوی پاکمان بشێوێنن.
