بە پێی ڕاپۆرتی کۆمەڵەی مافی مرۆڤی کوردستان، ئەندامێکی (حدکا) بەنێوی “ئاسۆ عەبدولقادر نەزاکەت” لەلایەن پۆلیسی وڵاتی فینلاندەوە بەمەبەستی دیپۆرت کردن و ناردنەوەی بۆ ئێران، دەستبەسەر کراوە.
“ئاسۆ عەبدولقادر نەزاکەت” لە ساڵی ۲۰۱۳وە لە وڵاتی فینلاند بۆ چەند جار داوای پەنابەری کردووە و بەڵام هەموو داواکارییەکەی لەلایەن ئەو وڵاتەوە ڕەتکراوەتەوە.
ناوبراو ئەندامێکی چالاکی(حدکا)یە و بەرپرسی سایتی کۆمیتەی ئەو حیزبە لە وڵاتی فینلاندە و بە دیپۆرت و ناردنەوەی بۆ ئێران، ڕووبەڕووی مەترسی ئەشکەنجە و زیندان و تەنانەت ئێعدام دەکرێتەوە.
کۆمەڵەی مافی مرۆڤی کوردستان
