۸هاوڵاتی کوردی شنۆ دەسبەسەر وگوازرانەوە بۆشوێنێکی نادیار

۸هاوڵاتی کوردی گەورەدێی(هێق)سەربە نالووسی شنۆ لەڕۆژهەڵاتی کوردستان دەسبەسەر وگوازرانەوە بۆشوێنێکی نادیار

بەپێی هەواڵی گەیشتوو بەکۆمەڵەی مافی مرۆڤی کوردستان ۸هاوڵاتی کوردی گوندی” بێمزەڕەتە” ی گەورەدێی هێق سەربە ناوچەی نالووسی شنۆ دوابەدوای تێهەڵچوونی کەسانێکی نەناسراو لەگەڵ هێزەکانی سپای پاسدارانی کۆماری ئیسلامی ئێران دەسبەسەر وگوازرانەوە بۆشوێنێکی نادیار.

ئەم تێهەڵچوونەدا لەشوێنێک بەناوی “شێخ برایم” ڕووی داوە وهێشتا ئامارێک لەسەر لێکەوتەی گیان ڕانەگەیەندراوە،بەڵام بەگوێرە باسەکان سەربازێک وجێگری فەرمانداری سپابەناوی (بیت واڵا دادخواهی) بریندار وگوازراونەتەوە بۆنەخۆشخانەی ورمێ.
جێگەی باسە لەم شەڕوتێهەڵچوونە ۸کەس لەهاوڵاتیانی گوندی ناوبراو کەهیچ چەشنە پێوەندییەکیان لەگەڵ ئەم ڕووداوە نەبووە لەلایەن هێزەکانی سەربەسپای پاسدارانەوە دەسبەسەر کراون کەناوەکانیان بەم شێوەی خوارەوەیە:
۱ـ کەماڵ حسێن دوست۲۸ساڵ تەمەن کوڕی محەممەد مەلیک.۲ـخوسرەو حمکۆ۳۵ساڵ تەمەن کوڕی محەممەد،۳ـ موبین حمکۆ ۱۶ساڵ تەمەن کوڕی کامەران، ٤ـ ڕەشید حمکۆ ۵۰ساڵ تەمەن کوڕی حمکۆ،۵ـ جەلال بەشیر٤۵ساڵ تەمەن کوڕی تەمەن،۶ئازاد زەنگی ۳۵ساڵ تەمەن کوڕی عەبدوڵا،۷ـ وەسیم حمکۆ۲۰ساڵ تەمەن کوڕی ڕەشید و۸ـ کەریم ئاشەوان ۵۷ساڵ تەمەن.

هێزەکانی سەربە کۆماری ئیسلامی ئێران هەر ڕۆژە وبەبیانووی جۆراوجۆر هەوڵی تۆقاندن وئازاری هاوڵاتیانی کوردیان داوە لەڕۆژهەڵاتی کوردستان وبەهێنانە ئارای ترس وسام لەنێو کۆمەڵگا ئامانجی سەرکوت وکپ کردنی دەنگی ناڕازی خەڵکی ئامانجە کەهەرلەم چوارچێوەیەدا بەدەسبەسەری،ئەشکەنجە،وئێعدامی چالاکانی سیاسی ،مەدەنی وتەنانەت کوشتنی کاسبکارانی کورد لەم بەشەی کوردستان، هەوڵی میلیتاریزە کردن وئاڵۆز دەرکەوتنی ناوچەکە ولەدرێژەدا، درێژە بەسیاسەتی سەرکوت وڕەگەز کوژی خەڵکی ڕۆژهەڵاتی کوردستانی هەبووە وهەیە.

کۆمەڵەی مافی مرۆڤی کوردستان