بە پێی هەواڵێک کە بە کۆمەڵەی مافی مرۆڤی کوردستان گەیشتوە و بە پێی هەواڵنێری ئیلنا ، جەنەتی سکرتێری شورای نگەهبان لە بڵاوکراوەیەکی فەرمیدا ، خوزیاری ڕەدی سەلاحییەتی کەسانێکە کە ئاینی جیاواز لە ئیسلامیان هەیە و وەک کەمینە لە سیستمی کۆماری ئیسلامیدا ناسراون و خۆیان بۆ شورای شار و گوندەکان ناوزەد کردوە .
ئەمە جگە لەوەی کە شورای نگەهبان دوایین وێستگەی فیلتێرکردنی کاندیداتورەکانە و کەسی ناوزەدکراو دەبێت فەرماندارییەکان و بەخشدارییەکان ئەوکەسانە وەک پاڵێوراو هەناردەی شورای نگەهبانی بکەن. ئەم ڕاگەیەندراوەی ئایەتوڵا جەنەتی ئەوەندەی تر مەیدانی هەڵبژاردەکان تەنگتر دەکاتەوە وەک لە ناوەکەیدا دیارە شوراکان دەبێت ئیسلامی بن .
ئەوەی جێگای باس و سەرنجە لە یاسای کۆماری ئیسلامی ئێراندا ، ئاینەکانی یەهودی و فەلە (مەسێحی ) و زەدەشتی بە فەرمی ناسراون و لە مەجلسی شورای ئیسلامیدا نوێنەریان هەیە ، بەڵام ئەم بڕیارەی جەنەتی نەک لە ڕووی یاساییەوەیە بەڵکو بەپێی وتەی خومەینی کە گوتویەتی لە شوێنێکدا کە زۆرینە موسڵمان بن بەڕێوەبەر و شوراکان نابێت لە ئاینێکیتر بێت چونکە ئەوە لەگەڵ شەرعی ئیسلامیدا یەکناگرنەوە .
ئەمە لە هەلو مەرجێکدایە کە لە ڕۆژهەڵاتی کوردستاندا پەیرەوانی ئاینی یارسان و ئاشوری و زەردەشتی لە ورمێ و کرماشان ڕێژەێیکی بەرچاوون و هەڵاوردنەکانی ئەم کەمینەئاینیانە لە لایەن کۆماری ئیسلامییەوە یەک و دووان نین .
لە بڵاوکراوەکەی شورای نگهەباندا کە بە واژۆی ئایەتوڵا جەنەتییەوە بڵاو بۆتوە و بەدەستی کۆمەڵەی مافی مرۆڤی کوردستان گەیشتوە دەڵێت :
لە جێبەجێکردنی بەشی چوارەمی قانونی ئەساسی کۆماری ئیسلامی ئێراندا و بە پێی مادە ۱۹ و ۲۱ ی پەیڕەوی ناوخۆی شورای نگەهبان ، بیروبۆچونی فەقێکانی شورا ، بەپێی تەبسەرەی ۱ لە مادەی ۲٦ ی یاسای ڕێکخراوەکان ، ئەرکی هەڵبژاردنەکانی شورای ئیسلامی وڵات و هەڵبژاردنی شارەوانییەکان ، ئەرێنی کراو لە ۱۳٥۷ کە لە کۆبونەوەی ۲۳/۱/۱۳۹٦ لەو پێوەندییەدا قسەوباسکرا ،بۆ وەبیرهێنانەوە بە ناوەندە بڕیاردەرەکان پێشکەش دەکرێت :
بە پێی زانیارییەکان لە هەندێک شوێنی وڵاتدا کە زۆرینەی دانیشتوانەکەی موسوڵمانن و لەو ناوچانەدا هەندێ کەسی ناموسەڵمان خۆیانناوزەد کردوە بۆ ئەندام بوون لە شورای شار وگوندەکاندا ، هەرچەن مەرجی بەشداری و ئەندام بوون لە شوراکاندا بە پێی یاسای تەبسەرەی ۱ ی مادەی ۲٦ ی یاسای ڕێکخراوەکان بەس هاووڵاتی بوونی ئێرانی بوونی بەس بوو ، بەڵام ئەم یاسایە لە گەڵ وتەکانی دامەزرێنەری کۆماری ئیسلامی حەزرەتی ئیمام خومەینی ” درودی خودای لێبێت ” لە بڕواری ۱۲/۷/۱۳٥٨ کە لە کتێبی سەحیفەی نوردا (کتێبی ٦ ، چاپ ۱۳۷۱ لاپەڕەی ۳۱ )نوسراوە و باسکراوە کە ئەمەش کە لە شوێنێکدا موسڵمان زۆرینە بن و ناموسڵمانێک بڕیاردەر و شورا بێت ، دژایەتی هەیە لە گەڵ پێوانەکانی شەرعدا و بەوە ش چاوی لێدەکرێت.
پێویستە ئەوەش بگوترێت کە بە پێی قانونی ئەساسی کۆماری ئیسلامی ئێران هیچ سونە مەزەوێک و مافی ئەوەی نییە ببێتە سەرۆک کۆماری ئێران و تەنانەت ناتوانن ببن بە پارێزگارێکیش یان پلەو پایەی بەرزی حکومی و ئیداری و سەربازییان هەبێت .
کۆمەڵەی مافی مرۆڤی کوردستان
