ک.م.م.ک:
ڕۆژی دووشەممە ٩ی جۆزەردانی ٢٧٢٢ی کوردی، ژنێک بە ناونیشانی شوکریە پەژووهی کچی محەممەد ساڵح و خەڵکی گوندی بایوە و دانیشتووی مەریوان، پەتی بۆ خۆی هەڵخست و کۆتایی بە ژیانی خۆی هێنا.
بە گوێرەی هەواڵەکە لە زمانی سەرچاوەیەکی ئاگادار لە ڕووداوەکە، کێشە و ئاڵۆزی خاوخێزی هۆکاری هەوڵی خۆکوژی ئەم ژنەی ڕەخساندووە.
شیاوی باسە لە کۆمەڵگایەکی ئایین سالار و پیاو سالار، کە تەواوی قورسایی گرژی و ئاڵۆزییەکان بەسەر ژناندا دەڕمێن و هیچ ڕۆچنە و هیوایەک بۆ پەنا پێ بردن نامێنێتەوە و هەموو یاسا و داب و نەریتەکان دژ بە ژنانە، ئاشکرایە تەنیا ڕێگایەک بۆ ژنان هەڵکوتانە سەر گیانی خۆیانە.
ق.ش
