KMMK:
هەینی 14ی گوڵانی 2721ی کوردی، دوو هاوڵاتی خەڵکی ســنە له لایەن هێزە ئەمنییەکانی ئێرانەوە لەو شار دەستبەسەر کران.
ناوی یەک لەو کرێکارانە، شەیس ئەمانی و ناونیشانی کرێکارە دەستبەسەر کراوەکەی دیکە ئاشکرا نەکراوە.
بە گوێرەی هەواڵەکە، کۆمەڵێک لە کرێکارانی شاری ســنە کە بڕیار بوو کاتژمێر 10:30 خولەکی سەرلە بەیانی ئەوڕۆ ڕۆژی جیهانی کرێکار لە شارۆچکەی پیشەیی عەباس ئاوا بەڕێوە ببەن، کەوتنە بەر هێرشی هێزە ئیتلاعاتی و ئینتزامییەکانی کۆماری ئیسلامی ئێران.
بە پێی هەواڵەکە، لەو هێرشەدا ئەو دوو کرێکارە لە لایەن ئەو هێزانەوە دەستبەسەر کراون کە تا کاتی داڕشتن و بڵاو کردنەوەی ئەم هەواڵە، زانیارییەک لەمەڕ چارەنووسی ئەوان بەدەستەوە نییە.
کۆمەڵەی مافی مرۆڤی کوردســتان
