KMMK:
پێنجشەممە 5ی خاکەلێوەی2721ی کوردی، سێ هاوڵاتی بۆ زیندانی ئێران لە نەغەدە و مەریوان ڕاگوازران.
ناونیشانی ئەم سێ هاوڵاتییە” وریا فەرەجی” کوڕی عەبدوڵڵا خەڵکی گوندی نێ سەر بە شاری مەریوان و ” کەیوان نەژاد ڕەسووڵ” 28 ساڵ تەمەن کوڕی محەممەد خەڵکی گوندی شێناوێ سەر بە پیرانشار و شێرکۆ ئاگووشی خەڵکی پیرانشار.
جێی بیرهێنانەوەیە کە شێرکۆ ئاگووشی، ڕێکەوتی 9ی خەرمانانی 2719ی کوردی، پاش برینداربوونی لە لایەن هێزەکانی تیرۆریزمی سپای پاسداران دەستبەسەر و بە تۆمەتی ئەندامەتی لە حیزبێکی کوردی دژبەری دەسەڵاتی ئێران لە لایەن دادگای ئینقلابی ئێران لە نەغەدە بە 5 ساڵ زیندانی تەعزیری مەحکووم کرابوو.
کەیوان نەژاد ڕەسووڵ ـیش ڕێکەوتی 19ی سەرماوەزی 2718ی کوردی، لە لایەن هێزە ئەمنییەکانی ئێرانەوە دەستبەسەر و لە لایەن لقی 102ی دادگای ئێران لە شاری پیرانشار بە تۆمەتی هاریکاری حیزبێکی کوردی دژبەری ئێران بە 4 ساڵ زیندانی تەعزیری مەحکووم کرابوو.
وریا فەرەجی ڕەشەمەی 2718ی کوردی بە تۆمەتی هاریکاری حیزبێکی کوردی ئوپوزیسیۆنی ئێران لە دادگی ئینقلابی حکوومەت لە مەریوان محاکمە و بە 5 ساڵ زیندانی تەعزیری مەحکووم کرابوو.
کۆمەڵەی مافی مرۆڤی کوردستان
